"ПСЖ" ҳужумчиси Килиан Мбаппе жамоа мухлислари билан муносабатларни бузмоқчи эмас. L'Equipe хабарига кўра, франциялик футболчи мавсум якунида унинг кетиши ҳақидаги хабарни мухлислар қандай қабул қилишидан хавотирда эди.
Мбаппе “ПСЖ”ни эркин агент сифатида тарк этади. Франциялик футболчини трансфер қилиш учун фаворит "Реал Мадрид" бўлиб, у ҳужумчига катта миқдорда бонус тўлашга тайёр.
Қайд этилишича, Мбаппе "ПСЖ"ни ижобий кайфиятда тарк этиш ниятида. Франциялик футболчи мавсумнинг ҳал қилувчи қисмида бор кучини бериб, жамоанинг Чемпионлар лигасида имкон қадар муваффақиятли иштирок этишига ёрдам бермоқчи. Парижликлар тез орада еврокубокларнинг чорак финалида “Барселона”га қарши ўйнашлари керак бўлади.
