"Челси" бу ёзда Рис Жеймсни қўйиб юбормайди.
Олдинроқ, "Челси" Премьер-лиганинг молиявий қоидаларига мослашиш учун ёзда Рис Жеймс ва Конор Галлахерни сотиб юбормоқчи эканлиги ҳақида маълумотлар пайдо бўлганди.
ESPN хабарига кўра, Лондон клуби Жеймсни қўйиб юбориш ниятида эмас.
Манбанинг сўзларига кўра, Тодд Боэли жамоани 2022 йилнинг май ойида сотиб олганидан бери трансферлар учун 1 миллиард фунт стерлингдан ортиқ маблағ сарфлаганига қарамай, "Челси" лиганинг молиявий талабларини бажаришга ҳаракат қилмоқда.
"Челси" бу даврда ўйинчиларни сотишдан тахминан 400 миллион фунт стерлинг ишлаб олди ва клуб жорий ҳисобот даври учун ўз бюджетини мувозанатлаш учун 30 июнгача кўпроқ ўйинчиларни сотиши керак бўлади.
Ҳимоячи Трево Чалоба ва ярим ҳимоячи Конор Галлахер келаси ёзда сотилиши мумкин бўлган икки футболчи эканлиги айтилмоқда.
Премьер-лиганинг молиявий қоидаларига кўра, академия битирувчиларини сотишдан тушган пул соф фойда ҳисобланади, бу эса Жеймснинг сотилиши мумкинлиги ҳақидаги миш-мишларга сабаб бўлди, аммо "кўклар" клуб сардори билан хайрлашишни истамаяпти.
