Лионель Месси КОНКАКАФ Чемпионлар Кубоги доирасида "Монтеррей"га қарши биринчи ўйинни (1:2 ҳисобида) ўтказиб юборди.
"Колорадо" билан навбатдаги ўйинда аргентиналик юлдуз қайтди ва иккинчи бўлимда майдонга тушди.
Месси гол уришга муваффақ бўлди ва ўйин 2:2 ҳисобида якунланди. Энди "Монтеррей" билан жавоб ўйини бор.
"Интер Майами" устози Херардо Мартино футболчининг аҳволи ҳақида фикр билдирди.
Мутахассиснинг фикрича, у биринчи дақиқалардан Мессини майдонга туширишни режалаштирган.
"Бизнинг фикримиз – Месси асосий таркибда майдонга тушади. У охирги ўйинда 45 дақиқа ўйнади ва кейинги ўйин қанчалик қийин бўлишини биламиз.
Энг муҳими, у қайтди, ўзини яхши ҳис қилди ва гол урди", - деди Мартино журналистларга.
