Мадриднинг “Реал” клуби ярим ҳимоячиси Даниэль Себальос ёзда Италиянинг “Милан” жамоасига ўтиши мумкин. Бу ҳақда Mundo Deportivo хабар бермоқда.
Манбанинг хабарига кўра, ярим ҳимоячи кўпроқ ўйин тажрибаси излаб "Лос-Бланкос" лагерини тарк этиш ниятида. Себальосга асосий даъвогар "Милан" бўлиб турибди, у "Реал" билан яхши муносабатлар туфайли "Бетис", "Атлетико Мадрид" ва бошқа бир қатор Европа клублари футболчиси учун рақобатда ғалаба қозонишга умид қилмоқда. Қайд этилишича, миланликлар футболчини анчадан бери кузатиб боришган.
Эслатиб ўтамиз, жорий мавсум Себальос барча турнирларда 21 та ўйинда иштирок этиб, битта гол ва битта голли узатмага муаллифлик қилган.
