"Атлетико Мадрид" марказий ҳимоячиси Марио Эрмосонинг агенти Иньяки Эспизуа мижози билан шартнома борасидаги вазият ҳақида гапирди. Эслатиб ўтамиз, испанияликнинг Диего Симеоне жамоаси билан шартномаси жорий мавсум охирида якунига етади.
“Атлетико Мадрид билан шартномани узайтиришдан жуда узоқмиз. Марио муҳим совринлар учун кураша оладиган жамоада ўйнашни истайди", - дея агентнинг сўзларидан иқтибос келтиради журналист Николо Скира.
Эрмосо билан сўнгги пайтларда Европанинг кўплаб топ-клублари боғланишди. "ПСЖ", Туриннинг "Ювентус", "Интер", "Барселона" ва "Астон Вилла" каби жамоалар футболчини эркин агент сифатида таклиф қилишга тайёр.
