9 апрель, сешанба куни “Реал” ҳамда Англиянинг “Манчестер Сити” клублари ўртасида Чемпионлар лигаси чорак финалининг илк учрашуви бўлиб ўтди. Жамоалар 3:3 ҳисобида дуранг ўйнашди. Шу тариқа, Пеп Гвардиола ("Манчестер Сити" бош мураббийи) ва Карло Анчелотти ("Реал" бош мураббийи) жамоалари тарихда иккинчи марта дуранг ўйнашди.

Ўтган мавсумда Чемпионлар лигаси ярим финалининг биринчи ўйинида “Реал” ва “Манчестер Сити” ўртасида 1:1 ҳисоби қайд этилганди. Жамоаларни ўшанда ҳам Анчелотти ва Гвардиола бошқарган. Жавоб учрашувида “шаҳарликлар” 4:0 ҳисобида зафар қучди. Кейин Англия жамоаси финалда Миланнинг “Интер” жамоасини мағлуб этиб (1:0) кубокни қўлга киритди.

Жорий мавсумнинг чорак финалининг жавоб учрашувлари келаси чоршанба, 17 апрель куни Манчестерда бўлиб ўтади.