Премьер-лига клубларига террор хавфи туфайли ҳушёр туриш тавсия қилинди.
Аввалроқ ИШИД Чемпионлар лигасининг 1/4 финалида терактлар содир этиш билан таҳдид қилганди.
Daily Mail хабарига кўра, Буюк Британия аксилтеррор полицияси Премьер-лига клублари ваҳима қилмаслик ва ҳушёр бўлишга чақирган хатлар юборган.
Клубларга ўз стадионларида хавфсизлик чораларини кўриб чиқиш тавсия этилади, айниқса тайёргарлик ва жавоб режаларига эътибор қаратилади.
Таъкидланишича, лиганинг кўплаб клублари текширувларни бошлаган. Клуб ходимлари ва мухлислардан ҳушёр бўлишга ва ҳар қандай шубҳали нарса ҳақида полицияга хабар беришга чақирилди.
