Аргентиналик 36 ёшли ҳужумчи Лионель Мессининг Американинг "Интер Майами" клубидаги маоши маълум бўлди. O Tempo нашри хабарига кўра, футболчи ойига 1,6 миллион евро маош олади. Мессининг йиллик маоши 19,2 миллион евро.
Шунингдек, аргентиналик футболчи МЛСда энг кўп маош олувчи футболчи эканлиги маълум қилинган.
Эслатиб ўтамиз, Месси ўтган ёзда эркин агент сифатида "Интер Майами"га ўтган эди. Бу даврда у барча турнирларда 20 та учрашувда қатнашиб, 17 та гол ва 7 та голли узатмани амалга оширган.
Футболчининг клуб билан амалдаги шартномаси 2025 йил охиригача амал қилади.
