"Барселона"нинг собиқ ҳужумчиси Тьерри Анри Каталония жамоаси устози Хави ҳақида фикр билдирди.
Анри мутахассиснинг мураббий сифатида кундан-кунга кучайиб бораётганини таъкидлади.
"Мавсум охирида у билан нима бўлишини билмайман. Мен уни ҳар куни яхшиланиб бораётган яхши мураббий эканлигини доим билардим. Ҳозир жамоанинг натижалари яхшиланди ва ҳамма уни сақлаб қолишни айтмоқда", - деди франциялик собиқ футболчи CBS Sports нашрига.
10 апрель куни Хави шогирдлари Чемпионлар лигасининг биринчи чорак финалида “ПСЖ”ни меҳмонда мағлуб этишди.
Эслатиб ўтамиз, аввалроқ Хави мавсум якунида “Барселона”ни тарк этишини расман эълон қилган эди. Испаниялик мураббий 2021 йилдан буён жамоани бошқариб келмоқда.
