Қатарда ўтказиладиган Осиё Кубоги U-23 баҳслари Sport телеканали томонидан намойиш этиладиган бўлди.

Ушбу хабар телеканал директори Зоҳид Каримов томонидан тасдиқланди.

Париж-2024 Олимпиадасига йўлланма берувчи турнир Қатарда 15 апрелдан 3 майга қадар давом этади.

Бугун Тошкент вақти билан 18:00 да Австралия — Иордания ўйини билан турнирга старт берилади. Шу билан бирга, Қатар - Индонезия баҳси ҳам бугун бўлиб ўтади. Учрашув 20:30 да бошланади.

Эслатиб ўтамиз, Тимур Кападзе шогирдлари мусобақадаги иштирокини 17 апрель куни Малайзияга қарши ўйин билан бошлайди. Ўйиннинг бошланиш вақти: 18:00.

Иккинчи турдаги ўйин эса 20 апрель куни Кувайтга қарши бўлиб ўтади. Ўйиннинг бошланиш вақти: 20:30.

Гуруҳ босқичидаги сўнгги ўйин Вьетнамга қарши бўлиб ўтади. Ўйиннинг бошланиш вақти: 20:30.