Ўзбекистон кубоги гуруҳ босқичи 1-туридан ўрин олган ўйинлар 15 апрель, душанба куни бўлиб ўтди.

ОКМК ўзида “Машъал”га қарши баҳс олиб борди. Учрашувнинг биринчи бўлимида дарвозалар ишғол этилмади. Иккинчи бўлимда эса меҳмонлар футболчиси Жавоҳир Абдуалимов ҳисобни очди. 85-дақиқада эса “Машъал” футболчиси Исломбек Баратов қизил карточка олиб, майдонни тарк этди. Шу тариқа, ОКМК ўз майдонида кичик ҳисобда мағлубиятга учради.

Шунингдек, бугун “Цементчи” “Наманган ФА”ни 5:2 ҳисобида мағлуб этди, “Хоразм” эса “Арал”га 0:2 ҳисобида имкониятни бой берди.

Ўзбекистон кубоги
Гуруҳ босқичи, 1-тур
15 апрель, душанба

ОКМК – “Машъал” 0:1
Гол: Жавоҳир Абдуалимов, 78 (0:1).

“Цементчи” – “Наманган ФА” 5:2
Голлар: Шерали Расулов, 16 (1:0), Исроилжон Турсунбоев, 32 (1:1), Шерзод Хайруллаев, 47 (2:1), Фарруҳбек Абдурахмонов, 57 (2:2), Дилшодбек Умурзақов, 73 пен (3:2), Самандар Ўринбоев, 77 (4:2), Миржалол Неъматов, 81 (5:2.

“Хоразм” – “Арал” 0:2
Голлар: Азизбек Умирбеков, 23 (0:1), Зулпуқар Куанишбаев, 50 (0:2).