Дам олиш кунлари Германияда жуда ғалати воқеа юз берди. "Вердер" ярим ҳимоячиси Наби Кейта "Байер"га қарши ўйинда жамоанинг асосий таркибида бўлмаслигини билгач, унга боришдан бош тортди.
"Вердер" баёнот бериб, Кейтага қаттиқ жазо тайинланишини эълон қилди. Футболчи мавсум охиригача дисквалификация қилинди. Наби жамоа билан машғулот ўтказа олмайди, ҳатто базанинг кийиниш хонасида ҳам вақт ўтказа олмайди. Бундан ташқари, ярим ҳимоячига катта миқдорда жарима белгиланди, унинг миқдорини "мусиқачилар" айтишмади.
"Набининг хатти-ҳаракати биз учун клуб сифатида қабул қилиниши мумкин эмас. Бу ҳаракати билан у жамоани кескин спорт ва кадрлар ҳолатига тушириб қўйди, шунингдек, ўзини жамоадан устун қўйди. Биз бунга кўз юма олмаймиз”, - дейди жамоа директори Клеменс Фриц.
