Себастьян Аллер ёзда "Боруссия"ни тарк этиши мумкин.

Журналист Патрик Бергернинг фикрича, форварднинг Дортмунд клубидаги келажаги ноаниқлигича қолмоқда, шу сабабли, Аллер яқинлашиб келаётган трансфер ойнасида сотилиши мумкин. Қайд этилишича, футболчининг келажаги "Боруссия"нинг келаси мавсумда Чемпионлар лигасида иштирок этиши, шунингдек, клуб трансферлар учун сарфлаши мумкин бўлган маблағга боғлиқ бўлади.

Тахминларга кўра, Аллер кетса, "Боруссия" унинг трансфери учун тўлаган пулидан камроқ олади. 2022 йилнинг ёзида форвард "Аякс"дан рекорд 31+4 миллион евро эвазига Дортмунд клубига ўтганди.