"Барселона" ҳимоячиси Роналд Араухо Чемпионлар лигаси доирасида "ПСЖ"га қарши ўйинда қизил карточка олгани ҳақида фикр билдирди.
Уругвайлик футболчи жамоаси 1:0 ҳисобида олдинда бораётганида қизил карточка олди. Натижада “Барса” 1:4 ҳисобида мағлуб бўлди ва мусобақадан чиқиб кетди.
"Барча "кўк-аноррангли" мухлислар жамоанинг бу ҳолатидан қайғурмоқда. Биз узоқроққа боришимиз мумкин эди, шунинг учун энди биз хафамиз.
Ўйинда ҳамма нарса бўлиши мумкин. Агар ҳакам қоидабузарликни қайд этмаганида ҳеч нарса бўлмасди.
Аммо агар у қоидабузарликни қайд этган бўлса, демак бунинг қайсидир маънода ўйинга таъсири бўлган", - дея Араухонинг сўзларини келтирмоқда Marca.
