Европа Лигаси чорак финалининг жавоб ўйинлари бўлиб ўтди, “Байер” Лондонга йўл олди ва “Вест Хэм”га имкониятни бой бермай, турнирнинг ярим финалига йўлланмани қўлга киритди.
Лондон клубининг ягона гол муаллифи Майкл Антонио жамоаси кейинги босқичга чиқа олмаганидан хафа. Унинг фикрича, барчасини биринчи ўйин ҳал қилган.
"Албатта, хафсалам пир бўлди. Ўйлашимча, биз биринчи ўйинда жуда қўрқоқ эдик. Ҳеч бўлмаганда иккинчи ўйинда уларга ким эканлигимизни кўрсата олганимиздан хурсандман. Ўйин яхши бўлди, имкониятларимиз бор эди", - дея Антонио сўзларини келтиради BBC Sport.