"ПСЖ" бош мураббийи Луис Энрике Париж жамоасининг Чемпионлар лигаси финалида "Реал" билан учрашишини хоҳлайсизми, деган саволга жавоб берди.
Эслатиб ўтамиз, мусобақанинг ярим финалида "ПСЖ" Дортмунднинг "Боруссия" жамоаси билан тўқнаш келади, "Реал"га эса Германиянинг яна бир жамоаси – "Бавария" рақиблик қилади.
Энрикенинг сўзларига кўра, эҳтимолий финал учун рақиб ҳақида ўйлашдан олдин, "ПСЖ" биринчи навбатда унга етиб бориши керак.
"Боруссия" ҳам биз каби сифатли жамоа. "Боруссия"да ҳам финалга чиқиш истаги бор. Агар финалга чиқсак, мен сизга жавоб бераман", - деди Энрике.
"ПСЖ" ва "Боруссия" ўртасидаги илк ўйин 1 май куни Дортмундда бўлиб ўтади. Ушбу ўйиннинг бошланиши Тошкент вақти билан 23:59 га белгиланган.