“Манчестер Сити” ярим ҳимоячиси Бернарду Силва Франция чемпионатига ўтиши мумкин. Хабарга кўра, "ПСЖ" 29 ёшли футболчини ўз сафига қўшиб олмоқчи.
Парижликлар ярим ҳимоячи учун "Барселона" билан рақобатлашиш ниятида. "ПСЖ" молиявий жиҳатдан "блауграна"дан устунликка эга. Лига 1 чемпионларида Бернардуни сотиб олиш учун маблағ бор, каталонияликлар эса бу борада қийналмоқда.
Силванинг бозор нархи 80 миллион еврога баҳоланмоқда. Унинг шартномаси 2026 йилнинг ёзига қадар мўлжалланган. Жорий мавсумда португалиялик футболчи АПЛда 27 та ўйин ўтказиб, 6 та гол урди ва 4 та голли узатмани амалга оширди.
