Испаниялик мутахассис Унаи Эмери Каталониянинг "Барселона" ва "Бавария" таклифларини рад этиб, "Астон Вилла" билан шартномасини 2027 йилгача узайтирди, деб хабар беради The Athletic.
Манбага кўра, Премьер-лига клуби раҳбарияти мураббийни улар учун "сер Алекс Фергюсон"га айланишига ишонмоқда. Эслатиб ўтамиз, Эмери 2022 йилнинг ноябрида "Астон Вилла"ни қабул қилиб олганди.
Унинг қўл остида жамоа барча турнирларда 77 та ўйин ўтказиб, 44 тасида ғалаба қозонган. “Астон Вилла” айни дамда Премьер-лига турнир жадвалида тўртинчи ўринни эгаллаб турибди ва УEФА Конференциялар Лигасининг ярим финалига ҳам етиб келди.
