Мадриднинг "Реал" клуби ҳимоячиси Начо Фернандес фаолиятини Леверкузеннинг "Байер" клубида давом эттириши мумкин, дея хабар бермоқда журналист Мигель Анхел Диас.
34 ёшли испаниялик футболчининг мадридликлар билан шартномаси мавсум охирида якунига етади. Аввалроқ, у "Реал" билан шартномани узайтирмоқчи эмаслиги ҳақида маълумотлар пайдо бўлганди.
Начо "Реал Мадрид" тарбияланувчиси. У бутун фаолиятини жамоада ўтказди. Жорий мавсумда у жамоа сафида барча мусобақаларда 37 та ўйинда майдонга тушди. Transfermarkt портали унинг нархини 4 миллион еврога баҳоламоқда.
