Ўтган ёзда "Милан" ўз рўйхатини жиддий янгилади, аммо бу чемпионлик унвони учун курашишга етарли эмаслиги маълум бўлди ва кўп жиҳатдан клуб натижалари янада ёмонлашди.
Масалан, энди Чемпионлар Лигаси ярим финали ҳақида ҳеч қандай гап бўлмаган, "Милан" гуруҳ босқичидан сўнг мусобақадан чиқиб кетди.
Италия терма жамоасининг собиқ футболчиси Франческо Грацианининг фикрича, трансферлар унчалик яхши амалга оширилмаган:
"Нимадир нотўғри бўлди, Жируга муқобил йўқ, Йович "Милан" даражасида эмас. Тео Эрнандесга ҳам ўринбосар йўқ.
Окафор эса марказий ҳужумчи эмас, бироқ улар негадир бунга ишонишмоқда", - дея Грацианининг сўзларини келтиради pianetamilan.it.
