Англия футбол ёзувчилари уюшмаси мавсумнинг энг яхши футболчисини аниқлади.
"Манчестер Сити" ярим ҳимоячиси Фил Фоден АПЛда ушбу совринга лойиқ кўрилди.
“Шаҳарликлар” ярим ҳимоячиси 42 фоиз овоз олиб, “Арсенал” вакили Деклан Райсни ортда қолдирди.
Учинчи ўринни “Манчестер Сити” ярим ҳимоячиси Родри эгаллади.
Кучли олтиликка, шунингдек, Мартин Эдегор (“Арсенал”), Олли Уоткинс (“Астон Вилла”) ва Коул Палмер (“Челси”) кирган.
Жорий мавсумда Фоден Премьер-лигада 31 та ўйинда майдонга тушди - 16 та гол ва 7 та голли узатма.
