Angliya futbol yozuvchilari uyushmasi mavsumning eng yaxshi futbolchisini aniqladi.
"Manchester Siti" yarim himoyachisi Fil Foden APLda ushbu sovringa loyiq ko‘rildi.
“Shaharliklar” yarim himoyachisi 42 foiz ovoz olib, “Arsenal” vakili Deklan Raysni ortda qoldirdi.
Uchinchi o‘rinni “Manchester Siti” yarim himoyachisi Rodri egalladi.
Kuchli oltilikka, shuningdek, Martin Edegor (“Arsenal”), Olli Uotkins (“Aston Villa”) va Koul Palmer (“Chelsi”) kirgan.
Joriy mavsumda Foden Premyer-ligada 31 ta o‘yinda maydonga tushdi - 16 ta gol va 7 ta golli uzatma.
