Nufuzli insayder Fabrisio Romano «Barselona»ning yangi hujumchi sotib olish borasidagi rejalari haqida to‘xtalib o‘tdi. Romanoning so‘zlariga ko‘ra, kataloniyaliklar Xulian Alvares transferi bo‘yicha «Atletiko» bilan muzokaralarni davom ettirishmoqda.

«O‘ylashimcha, yakunda «Barselona» hujumchi sotib oladi. Hozir ular Xulian Alvares bilan bog‘liq vaziyat qanday hal bo‘lishini kutishmoqda, ammo ularning maqsadi — hujumchi xarid qilish.

Alvares ushbu pozisiya uchun asosiy prioritetmi? Ular uni tarkibga qo‘shib olishga harakat qilishadi, bu aniq. Bitim amalga oshadimi-yo‘qmi — bu «Barselona»dan ko‘ra ko‘proq «Atletiko»ga bog‘liq. Ammo ikki klub o‘rtasidagi muzokaralar davom etmoqda», — dedi Romano Goal portaliga bergan intervyusida.

Nufuzli Transfermarkt portali 26 yoshli Xulian Alvaresning transfer qiymatini 120 million yevroga baholamoqda.