2026/2027 yilgi mavsumga tayyorgarlik doirasida o‘tkazilgan o‘rtoqlik uchrashuvida Madridning «Real» klubi Italiyaning «Fiorentina» jamoasi bilan 2:2 hisobida durang o‘ynadi.
Uchrashuvda hisobni 12-daqiqada «Real» hujumchisi Endrik ochdi. Oradan 12 daqiqa o‘tib Aleksis Siriya madridliklarning ustunligini ikki to‘pga yetkazdi.
Biroq birinchi bo‘lim yakuniga yaqin Roberto Pikkoli hisobdagi farqni qisqartirdi. Ikkinchi bo‘limning 58-daqiqasida esa Moyze Kin gol urdi va o‘yinga yakuniy — 2:2 hisobini o‘rnatdi.
Eslatib o‘tamiz, o‘tgan mavsumda «Real» Ispaniya La Ligasida 86 ochko bilan ikkinchi o‘rinni egallagan edi. «Fiorentina» esa A Seriyada 42 ochko jamg‘arib, chempionatni 15-o‘rinda yakunlagan.
