26 ёшли сербиялик ҳужумчи Лука Йович "Милан" билан 2024 йилнинг июнида тугайдиган шартномасини узайтиришга яқин турибди, деб хабар бермоқда Calciomercato.
Манбага кўра, футболчининг агенти ва клуб раҳбарияти ўртасида бўлиб ўтган учрашувда томонларнинг ҳамкорликни давом эттиришга бўлган умумий истаги тасдиқланди, яқин кунларда музокаралар якуний босқичга чиқиши кутилмоқда.
Қайд этилишича, “россонерилар” футболчига 2023 йилнинг ёзида Йович “Милан”га ўтганида келишилган бир йиллик узайтириш вариантини фаоллаштириш ўрнига, узоқ муддатли шартнома таклиф қилишни режалаштирмоқда.