"Барселона" ёзда ҳужумчи Роберт Левандовскининг трансфери бўйича таклифларни тинглашга тайёр. 35 ёшли полякнинг “кўк-анорранглилар” билан шартномаси 2025 йилнинг июлида якунига етади.
RAC 1 хабарига кўра, "Барселона" Левандовскини сотишга тайёр бўлишига қарамай, футболчининг ўзи кетишни истамаяпти. Ҳужумчи қолиш ва ҳеч бўлмаганда амалдаги шартномасини охиригача ишлаб чиқиш ниятида.
Аввалроқ Роберт Саудия Арабистони клубидан тушган йирик таклифни рад этгани ҳақида хабар берилганди. Жорий Испания чемпионатида Левандовски 30 учрашувда 16 та гол урди ва 8 та голли узатмани амалга оширди.
