"Манчестер Сити" ҳимоячиси Натан Аке Англия Премьер-лигасининг жорий мавсумидаги ғолиблиги учун кураш ҳақида гапирди.
“Жадвалнинг юқори қисмида биз бўлишни хоҳлаймиз. Ҳар йили биз тажриба орттирамиз ва бу ҳар доим бошқача. Ҳозир "Арсенал" учун ҳаммаси яхши кетмоқда, аммо биз ҳаммаси ўз қўлимизда эканлигини тушунамиз. "Вулверхэмптон"ни мағлуб этиб, олдинга жуда яхши қадам ташладик", - дея Акенинг сўзларини келтиради City Xtra.
Жорий мавсумда футболчи барча турнирларда 41 та учрашувда иштирок этиб, 3 та гол урди ва 2 та голли узатмани амалга оширди.