Ҳимоячи Тео Эрнандес ёзги трансфер ойнасида "Бавария"га ўтишга рози бўлди. Бу ҳақда Mundo Deportivo хабар бермоқда. Энди футболчидан "ҳа" деган жавобни эшитган "Бавария" Эрнандеснинг трансфери борасида "Милан" билан музокара олиб боради.
Эрнандеснинг Мюнхенга ўтиши Мадриднинг "Реал" клуби "Бавария" ҳимоячиси Альфонсо Дэвис билан музокара олиб боришини осонлаштириб, "Реал"га ёрдам бериши мумкин.
Тео Эрнандес 26 ёшда, Transfermarkt портали франциялик футболчини 60 миллион еврога баҳоламоқда. 2023/2024 йилги мавсумда Эрнандес 44 та ўйин ўтказиб, 5 та гол урди ва шерикларига 10 та голли узатма берди.
