Бельгиянинг “Брюгге” клуби ва Италиянинг “Фиорентина” клублари УЕФА Конференциялар лигаси ярим финалининг жавоб учрашувида дуранг ўйнади.

Брюггедаги “Ян Брейдель” стадионида кечган учрашув 1:1 ҳисобида якунланди.

Италияда бўлиб ўтган биринчи ўйинда “Фиорентина” 3:2 ҳисобида ғалаба қозонган эди. Жамоа турнирнинг финалига чиқди ва у ерда “Астон Вилла” – “Олимпиакос” жуфтлиги ғолибига қарши баҳс олиб боради.

Шу тариқа, “Фиорентина” кетма-кет иккинчи йил Конференциялар лигасининг ҳал қилувчи баҳсида иштирок этади. Бир йил муқаддам италияликлар финалда “Вест Хэм”га ютқазганди (1:2).