Ярим ҳимоячи Гвидо Родригес аллақачон "Барселона" билан дастлабки шартнома имзолаган. Бу ҳақда журналист Гастон Эдул ижтимоий тармоқларда ёзмоқда.
Родригес “Бетис” билан амалдаги шартномаси тугашининг эртасига - 1 июль куни “Барселона” футболчисига айланади. Айтиш жоизки, миш-мишлар узоқ вақтдан бери Родригесни "Барселона" билан боғлаб келган.
Аргентиналик футболчи билан шартнома имзоланишини “кўк-анорранглилар” бош мураббийи Хави маъқуллагани ҳақида маълумот бор эди.
Гвидо Родригес 30 ёшда. 2022 йил охирида у Аргентина терма жамоаси билан жаҳон чемпионатида иштирок этди ва ЖЧни қўлга киритди. Ўша турнирда Родригес гуруҳ босқичида битта ўйинда иштирок этган.
