Бир ҳафта олдин Римда бўлиб ўтган илк учрашувда Даниэле де Росси шогирдлари "доричилар"га 0:2 ҳисобида имкониятни бой беришди.

Европа лигаси финалига йўл олиш учун “бўрилар” мўъжиза кўрсатиши керак – бутун жорий мавсум давомида бирорта ҳам мағлубият аламини тотиб кўрмаган “Байер”ни мағлуб этиши керак.

“Биз дарвоза олдида совуққон бўлишимиз керак. Биз ақлли ўйнашимиз кераклигини биламиз ва бизда буни уддалай оладиган футболчилар бор.

Мен ўзимга ишонаман. Биз тўпни оқилона бошқаришимиз, тажовузкор ҳаракат қилишимиз ва имкон қадар тезроқ эгаллаб олишимиз керак.

Биз йўл қўйган хатоларимизни текшириш учун аввалги ўйинларни кўриб чиқдик. Менимча, биз тайёрмиз. Бу биз учун финалдек бўлади”, - деди Лукаку.