«Ньюкасл»га қарши ўйин Маркус Рэшфорд учун муҳим воқеа бўлди.

«Манчестер Юнайтед» форварди АПЛнинг 34-туридан ўрин олган «Ньюкасл»га қарши қолдирилган ўйиннинг 83-дақиқасида захирадан майдонга тушди.

Эндиликда англиялик футболчининг манкунианликлар сафида ўтказган ўйинлар сони 400 тага етди. У ушбу маррага эришган клуб академиясининг тўққизинчи тарбияланувчиси бўлди. Биринчи ўринни Райан Гиггз (963 ўйин), кейинги ўринларни Бобби Чарльтон (758) ва Билл Фоулкс (688) эгаллаган.

Рэшфорд бу ўйинларда 151 та гол урган ва 64 та голли узатмани амалга оширган.