Пеп Гвардиоланинг фикрича, Стефан Ортега "Арсенал"нинг Премьер-лигада ғалаба қозонишига халақит берган.
АПЛнинг 34-туридан ўрин олган қолдирилган ўйинда “Манчестер Сити” 2:0 ҳисобида ғалаба қозонди ва чемпионат якунланишига бир тур қолганида турнир жадвалида пешқадамлик қилмоқда.
Стефан Ортега иккинчи бўлимда жароҳат олган Эдерсоннинг ўрнига майдонга тушди. Учрашувнинг 86-дақиқасида “шпорлар” футболчиси Сон Хён Мин яккама-якка вазиятга чиқиб борди, бироқ посбон унинг зарбасини қайтарди.
"Охирги етти-саккиз йил ичида Сон бизни неча марта жазолаганини биласизми? Ҳарри Кейн билан бирга нечта гол уришгани кўпчиликка сир эмас.
Шундай дамларда қандай жамоа эканлигимиз аниқланади. Ортега ўз ҳаракатлари билан бизни қутқарди, акс ҳолда "Арсенал" чемпион бўларди, бу ҳақиқат", – деди Гвардиола.
