"ПСЖ" марказий ярим ҳимоячиси Карлос Солер, шунингдек, ҳимоячилар Милан Шкриньяр ва Норди Мукиэле Франция гранди бош мураббийи Луис Энрикенинг келаси мавсумдаги режаларига кирмайди. Бу ҳақда Le Parisen нашри хабар бермоқда.
Манбага кўра, Солерга "Брайтон" ва "Астон Вилла" клублари қизиқиш билдирмоқда. Таъкидланишича, Шкриньяр клубни тарк этиш истагини билдирмаган.
Эслатиб ўтамиз, жорий мавсумда Солер барча турнирларда 27 та ўйинда иштирок этиб, битта гол ва тўртта голли узатмага муаллифлик қилган. Шкриньяр 31 ўйин ўтказиб, битта гол урган. Мукиэле барча мусобақаларда 19 та учрашувда қатнашиб, битта голли узатмани амалга оширган.
Солер ва Мукиэле 2022 йилда, Шкриньяр эса 2023 йилда "ПСЖ" ўйинчиларга айланишганди.
