Мадриднинг "Реал" клуби бош мураббийи Карло Анчелотти "Вильярреал"га қарши Испания чемпионати 37-тур учрашувида (4:4) норвегиялик форвард Александр Сёрлотнинг Мадрид клубига қарши ўйиндаги покери ҳақида фикр билдирди.
"Сёрлотнинг покери? Бугун барча ҳимоячиларимиз бундан азият чекишди" - деди Анчелотти ўйиндан кейинги матбуот анжуманида.
Жорий мавсумда 28 ёшли норвегиялик форвард клуб сафида барча турнирларда 40та ўйин ўтказиб, 26та гол ва 6та голли узатмага муаллифлик қилган. Ла Лига тўпурарлари рўйхатини 23 та гол билан Сёрлот бошқариб турибди.
Эслатиб ўтамиз, Мадриднинг “Реал” клуби муддатидан аввал Испания чемпионига айланганди. "Вильярреал" 52 очко билан турнир жадвалида саккизинчи ўринда бормоқда.
