Польша терма жамоаси футболчиси Пиотр Зелиньски "Интер"га ўтиш олдидан "Наполи" ва уларнинг мухлисларига самимий мактуб йўллаб, уларга миннатдорчилик билдирди.
"Мен мухлисларнинг менталитетига доим қойил қоламан. Қўллаб-қувватлашингиз ва дўстлигингизни ҳеч қачон унутмайман.
Сизга раҳмат, мен клубимизда қўлимдан келган барча нарсага эришдим. Сиз билан биз муҳим ўйинларда курашдик ва ақл бовар қилмайдиган ҳис-туйғуларни бошдан кечирдик.
Сиз менга футбол олами қанчалик гўзал эканлигини кўрсатдингиз. Клубимиз билан эришган ютуқларимиз орзуларимни акс эттиради", – деди футболчи.
Зелиньски 2016-йилда “Удинезе”дан 16 миллион евро эвазига “Наполи”га ўтган ва жамоа билан бир марта Италия кубоги ва тарихий А серия чемпионлигини қўлга киритган.
