"Фенербахче" бош мураббийи Жозе Моуриньо "Рома" ҳужумчиси Паоло Дибала ва Рим клубида ижара асосида ўйнаётган "Челси" ҳужумчиси Ромелу Лукакунинг турк клубига ўтиши мумкинлиги ҳақида гапирди.
"Мен ҳамма нарсани 100 фоиз аниқ қилишни хоҳлайман. "Рома"нинг ҳеч бир футболчисига қизиқишим йўқ. Ҳеч қандай қизиқиш йўқ", - деди Моурино матбуот анжуманида.
Эслатиб ўтамиз, кеча, 2 июнь куни “Фенербахче” жамоаси бош мураббийлигига португалиялик мутахассис тайинланганини эълон қилинган эди.
Моуриньонинг аввалги иш жойи "Рома" бўлиб, у 2021 йилдан 2024 йилнинг январигача ушбу жамоани бошқарган. Португалиялик мураббий қўл остида Италия клуби Конференциялар лигасида ғолиб чиқди ва Европа Лигаси финалида ҳам ўйнади.
