Transfermarkt портали мутахассислари Испания чемпионати футболчиларининг бозор қийматини янгилашди.

Рейтингда 3 нафар футболчи энг кўп нархи арзонлаганлар рўйхатини бошқариб турибди: Эдер Милитао («Реал»), Такефуса Кубо («Реал Сосьедад») ва Витор Роке («Барселона»). Барча футболчилар ўн миллион евро қийматида нархи тушган. Ҳозирда Милитаонинг нархи 60 миллион евро, Кубоники 50 миллион, Рокеники 30 миллион.

Кучли ўнталикка Науэль Молина (Атлетико Мадрид, 28 миллион) ва Руи Силва (Бетис, 8 миллион) кирди, уларнинг ҳар бири 7 миллион евродан йўқотди (янги қиймат қавс ичида кўрсатилган). Жюль Кунде (Барселона, 45 миллион), Микель Ойарсабаль (Реал Сосьедад, 45 миллион), Самуэль Омородион (Атлетико, 35 миллион), Ферран Торрес (Барселона, 30 миллион) ва Артур Вермерен (Атлетико, 25 миллион) ҳам қиймати пасайган ўйинчилар орасида бор.