Англиянинг «Манчестер Сити» ва «Арсенал» клублари «Бенфика»нинг португалиялик таянч ярим ҳимоячиси Жоау Невешга қизиқиш билдирмоқда, деб хабар беради "A Bola".

Хабарларга кўра, «Бенфика» 19 ёшли Невешни 120 миллион евродан камига қўйиб юбормоқчи эмас ва кейинги мавсумда унга умид қилмоқда. Аввалроқ португалиялик ярим ҳимоячи билан 2028 йилнинг ёзига қадар товон пули 150 миллион евро бўлган янги шартнома имзолашга ҳаракат қилган, аммо бунга эриша олмаган.

Жорий мавсумда Жоау Невеш «Бенфика» сафида 55 та ўйинда майдонга тушиб, 3 та гол урди ва битта голли узатмани амалга оширди.