"Валенсия"нинг уч нафар мухлиси "Реал" вингери Винисиус Жуниорни ирқий ҳақорат қилгани учун саккиз ойлик қамоқ жазосига ҳукм қилинди.
Шунингдек, мухлисларга икки йилга футбол ўйинларига бориш тақиқланди. Маҳкумлар барча суд харажатларини тўлашлари керак бўлади.
"Ушбу қарор Испанияда ирқчиликка қарши кураш учун ажойиб янгиликдир, чунки у Винисиусга етказилган зарарни тиклайди ва одамларни ҳақорат қилиш учун футбол стадионига борган одамларга аниқ хабар юборади", - деди Ла Лига президенти Хавьер Тебас.
Мадриднинг “Реал” клуби Ла Лиганинг 2023/24 йилги мавсумининг 35-турида “Валенсия”га имкониятни бой берди (0:1). Учрашув давомида Винисиус мезбон мухлислари томонидан бир неча бор ирқчиликка учраган. Шу боис иккинчи бўлимда учрашув тўхтатилганди.
