Туриннинг "Ювентус" клуби ҳужумчиси Федерико Кьеза 2024 йилги Европа чемпионати якунланганидан сўнг келажаги ҳақида бир қарорга келади.
Журналист Фабрицио Романонинг хабар беришича, 26 ёшли ҳужумчи Турин клуби раҳбарияти билан учрашган, бироқ томонлар аниқ қарорга келмаган. Қайд этилишича, "Ювентус" футболчини сотиш бўйича таклифларга очиқ.
Ўтган мавсумда Федерико "Ювентус" либосида 37 марта майдонга тушди, рақиблар дарвозасига 10 та гол урди ва жамоадошларига 3 та голли узатма берди. Унинг туринликлар билан шартномаси 2025 йилгача мўлжалланган ва трансфер нархи 44,6 миллион еврога баҳоланмоқда.
