Испания терма жамоаси ва “Барселона” клуби вингери Ламин Ямал Европа чемпионатида Хорватия устидан қозонилган ғалабадан сўнг (3:0) интервью берди.
Испанияликлар Альваро Мората, Фабиан Руис ва Дани Карвахалнинг голлари эвазига турнирни муваффақиятли бошлашди. Иккинчи голга 16 ёшли Ямал ассист берди.
"Биз яхши ўйин кўрсатдик ва ўзимизга ишондик. Бизда сифатли жамоа бор ва энди биз ўтган ойларда нималар устида ишлаганимизни намойиш қилишимиз мумкин.
Бугун биз учун яқин чизиқлар ўртасида яхши ўйнаш муҳим эди. Олдимга қандай вазифалар қўйилса, мен жамоа учун ҳамма нарсани қилишга тайёрман", - дея испаннинг сўзларини келтиради Barca Universal.
