Миланнинг “Интер” клуби етакчиларидан бири Хоқон Чалханоглу “Бавария” таклифини кўриб чиқишга тайёр.
Шу билан бирга, нуфузли инсайдер Фабрицио Романо таъкидлаганидек, немис гранди раҳбарияти ҳали "нерадзуррилар" ва футболчининг ўзи вакиллари билан музокарага киришгани йўқ. "Интер" аллақачон бир қадам олдинга чиқиб, ярим ҳимоячига нарх белгилаб қўйган.
Олдинроқ Милан клуби Хоқонни сотишдан камида 70 миллион евро ишлаб олмоқчи экани хабар қилинганди. Италия чемпионатининг ўтган мавсумида 30 ёшли турк 32 ўйин ўтказиб, 13 гол урган ва 3 голга ассистентлик қилган.
