Франция терма жамоаси ҳужумчиси Киллиан Мбаппе Германияда бўлиб ўтаётган Европа чемпионатининг 3-турида Польшага қарши ўйинда қора ниқобда иштирок этиши мумкин, деб хабар бермоқда RMC Sport интернет нашри.
Манбага кўра, Мбаппенинг Польша билан ўйиндаги иштироки учун француз футболчисига "уч рангли" махсус ҳимоя ниқоби тайёрланган.
Бироқ, УEФА қоидаларига кўра, футболчилар фақат битта рангдаги ниқобдан фойдаланишлари мумкин.
Бошқа вариантларга рухсат берилмайди.
Шу сабабдан Мбаппе турнир ўйинларида оддий қора ниқобда майдонга тушиши мумкин бўлади.
