Мадриднинг “Атлетико” клуби президенти Энрике Сересо ҳужумчи Жоау Феликснинг келажаги ҳақида ҳеч нарса билмайди.
Форвард ўтган мавсумни ижара асосида "Барселона"да ўтказди. Молиявий қийинчиликлар туфайли "блауграна" ўзлари хоҳласалар ҳам футболчини сотиб олишлари қийин бўлади.
“Вазият аввалгидек қолмоқда. Феликс - "Атлетико" футболчиси. Биз "Барселона" нимани хоҳлаётганини билмаймиз. Биз қабул қилишимиз керак бўлган қарорни қабул қиламиз", - деди "матрасчилар" президенти.
Жоау Феликс “Барселона” сафида барча мусобақаларда 44 та ўйинда майдонга тушиб, 10 та гол урди ва 6 та голли узатмани амалга оширди.
