Madridning “Atletiko” klubi prezidenti Enrike Sereso hujumchi Joau Feliksning kelajagi haqida hech narsa bilmaydi.
Forvard o‘tgan mavsumni ijara asosida "Barselona"da o‘tkazdi. Moliyaviy qiyinchiliklar tufayli "blaugrana" o‘zlari xohlasalar ham futbolchini sotib olishlari qiyin bo‘ladi.
“Vaziyat avvalgidek qolmoqda. Feliks - "Atletiko" futbolchisi. Biz "Barselona" nimani xohlayotganini bilmaymiz. Biz qabul qilishimiz kerak bo‘lgan qarorni qabul qilamiz", - dedi "matraschilar" prezidenti.
Joau Feliks “Barselona” safida barcha musobaqalarda 44 ta o‘yinda maydonga tushib, 10 ta gol urdi va 6 ta golli uzatmani amalga oshirdi.
