Германия терма жамоаси бош мураббийи Юлиан Нагельсманн 1/8 финал доирасидаги Дания билан ўйин олдидан Европа чемпионатининг гуруҳ босқичидан ўтгани ҳақида гапирди.
"Гуруҳ босқичи биз учун жуда қизиқарли бўлди, чунки биринчи ўйин биз кутганимиздан ҳам яхши ўтди, кейин Венгрияга қарши қийин ўйин ўтказдик, Швейцарияга қарши эса ҳисобни тенглаштириш учун курашдик. Шундай қилиб, биз барча вазиятларни уддалай олдик. Қийин вазиятлардан қандай чиқишни ўрганиш муҳим", - деди Нагельсманн УЕФА матбуот хизматига.
Эслатиб ўтамиз, Дания билан ўйин бугун, 29 июнь куни Дортмунддаги "Сигнал Идуна Парк" стадионида соат 23:59да бошланади.
