"Бавария" ярим ҳимоячиси Томас Мюллер Германия терма жамоасидаги фаолиятини якунлаши мумкин. Футболчи бу ҳақда Испания терма жамоасига қарши Европа чемпионати чорак финал учрашувидан сўнг (1:2) айтиб ўтди.
"Бу менинг терма жамоадаги сўнгги ўйиним бўлиши эҳтимоли юқори. Буни муҳокама қилиш керак. Ўз навбатида, Германия терма жамоасида ўйнаш имкониятини истисно қилмоқчи эмасман, лекин мураббий ва мен, эҳтимол, биз тўхташимиз керак, деган хулосага келишимиз мумкин", - деди футболчи.
Эслатиб ўтамиз, Испанияга қарши ўйин Германия терма жамоасининг яна бир ярим ҳимоячиси – Тони Кроос учун фаолиятидаги сўнггиси бўлди.
