Англия терма жамоаси футбол бўйича Европа чемпионати чорак финалида Швейцария терма жамоасини пенальтилар сериясида мағлуб этди.
Учрашув Дьюсселдорфда бўлиб ўтди.
Асосий ва қўшимча вақт 1:1 ҳисобида якунланди. Швейцарияликлар сафида Брел Эмболо гол урди (75-дақиқа), Букайо Сака (80) ҳисобни тенглаштирди. Пенальтилар сериясида инглизлар 5:3 ҳисобида зафар қучди.
Ярим финалда инглизлар 6 июль куни кечроқ бўлиб ўтадиган Нидерландия ва Туркия ўртасидаги ўйин ғолиблари билан ўйнайди. Англия терма жамоаси иштирокидаги ярим финал учрашуви 10 июль куни Дортмундда бўлиб ўтади.
