Бундан роппа-роса 10 йил аввал, 2014 йилнинг 8 июль куни Жаҳон чемпионатида Бразилия ва Германия терма жамоалари ўртасида ярим финал учрашуви бўлиб ўтганди. Кутилгаганда немислар Бразилияни 7:1 ҳисобида мағлуб этишди.

28-дақиқага келиб Томас Мюллер, Мирослав Клозе, Тони Кроос (дубль) ва Сами Хедиранинг голларидан сўнг ҳисоб 0:5 кўринишига келди. Иккинчи бўлимда Андре Шюррле дубль қайд этган бўлса, кейинроқ Оскар бразилиянинг ягона голга муаллифлик қилганди.

Бразилия учун ўз майдонидаги жаҳон чемпионатидаги 1:7 ҳисобидаги мағлубият жиддий зарба бўлди. Кейинроқ бразилияликлар учинчи ўрин учун кечган баҳсда ҳам йирик ҳисобда мағлуб бўлди – Нидерландияга 0:3 ҳисобида. Германия терма жамоаси эса финалда Аргентинани Марио Гётценинг 112-дақиқада киритган голи эвазига 1:0 ҳисобида мағлуб этиб, ўша мундиал ғолибига айланганди.